stantony
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

stantony

الانبا أنطونيوس
 
الرئيسيةأحدث الصورالتسجيلدخول

 

 تلبيه لنداء الاعضاء انا جبتلهم نكت جديده يا رب تعجبكم

اذهب الى الأسفل 
2 مشترك
كاتب الموضوعرسالة
beshoy magdy

beshoy magdy


المساهمات : 97
تاريخ التسجيل : 11/11/2007
العمر : 33

تلبيه لنداء الاعضاء انا جبتلهم نكت جديده يا رب تعجبكم Empty
مُساهمةموضوع: تلبيه لنداء الاعضاء انا جبتلهم نكت جديده يا رب تعجبكم   تلبيه لنداء الاعضاء انا جبتلهم نكت جديده يا رب تعجبكم Icon_minitimeالخميس أغسطس 28, 2008 7:13 am



مره حسنى مبارك راح مدرسه ابتدائى فلما جت فتره الاسئله ولد رفع ايده

مبارك ساله اسمك ايه فقاله رامى فقاله ايه سؤالك يا رامى ؟

رامى : انا عندى اربع أسئلة

1- ليه انت رئيس بقالك 25 سنه ؟

2- لسه معينتش نائب ؟

3- ليه ولادك ماسكين كل حاجه فى البلد ؟

4- ليه مصر حالتها الاقتصاديه زفت و انت مبتعملش حاجه؟

ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟



مين عنده سؤال؟

ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

تامر : انا عندى 6 اسئله

1- ليه انت رئيس بقالك 25 سنه ؟

2- لسه معينتش نائب ؟

3- ليه ولادك ماسكين كل حاجه فى البلد ؟

4- ليه مصر حالتها الاقتصاديه زفت و انت مبتعملش حاجه؟

5- ليه جرس الراحه رن ربع ساعه بدرى ؟

6- وبعدين فين رامى ؟؟؟؟؟؟

--------------------------------------

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم

أبليس : طب هات ودنك وخد الفكره دي .....وش وش وش وش

مبارك : لالا يا ابليس الفكره دي مش نافعه , عاوز حاجه أشد

أبليس : طب خد دي ...... وش وش وش وش

مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه

وش وش وش وش وش

ابليس : لا يا راجل حرام عليك



----------------------------------------

واحد اتحشر في زحمة المرور فلقى واحد بيخبطله على شباك السيارة

فتح الشباك و سأله عايز ايه

قاله : الرئيس حسنى مبارك خطفوه و الفدية 5$مليون دولار

و لو الفدية ماتدفعتش .. الخاطفين هددوا يدلقوا عليه بنزين و يولعوا فيه

و احنا بنجمع تبرعات .. تحب تشارك ؟

الرجل سأل: " و في المتوسط الناس بتتبرع بكام"

الرجل الثاني : " من 5 الى 10 لتر بنزين

------------------------------------

مرة سيادة الريس مد إيده في جيبه لقي 5 مليون جنيه!!

فزعل قوي وخاف وقال: إيه الفلوس دي الفلوس دي حرام؟

فسأل أحد مساعديه فدله على طريق الشيخ طنطاوي

رئيس الأزهر وقال له: اسأل الشيخ وهو يقول لك الحل .

ما كدبش خبر وجري على طنطاوي وحكا له القصة فرد:

5 مليون بس .. إيه النزاهة دي؟

دي بسيطة خالص يا ريس ما تزعلش نفسك؟

كل اللي هتعمله هتروح تستغفر ربنا بالطواف حوالين الكعبة، لفة لكل مليون جنيه وخلاص .

الريس راح لقي عمنا صفوت فقال له: أنت بتعمل إيه هنا؟

أنت هتلف كام لفة؟

عمنا صفوت :78 لفة .

الريس: يخرب بيتك؟ ده أنت خربت البلد !!

عمنا صفوت: أنت جاي علي انا؟ روح شوف علاء ابنك جايب

موتوسيكل وبقاله 3 أيام بيلف

الرجوع الى أعلى الصفحة اذهب الى الأسفل
مريم داود




المساهمات : 62
تاريخ التسجيل : 25/02/2008
العمر : 33

تلبيه لنداء الاعضاء انا جبتلهم نكت جديده يا رب تعجبكم Empty
مُساهمةموضوع: رد: تلبيه لنداء الاعضاء انا جبتلهم نكت جديده يا رب تعجبكم   تلبيه لنداء الاعضاء انا جبتلهم نكت جديده يا رب تعجبكم Icon_minitimeالخميس سبتمبر 11, 2008 9:51 pm

اية يابيشوى دة .......انت عايز تودينا في داهية
بسيطة .......هى مباحث امن دولة وخلاص....بس
بس سيبك انت النكت حلوة
ربنا يعوضك
بس لو حصل حاجة احنا منعرفكش علشان نبقي واضحين من الاول ....
Rolling Eyes Rolling Eyes Rolling Eyes Rolling Eyes Rolling Eyes Rolling Eyes Rolling Eyes Rolling Eyes Rolling Eyes Rolling Eyes Rolling Eyes Rolling Eyes
الرجوع الى أعلى الصفحة اذهب الى الأسفل
 
تلبيه لنداء الاعضاء انا جبتلهم نكت جديده يا رب تعجبكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stantony :: المنتديات الترفيهية :: نكت-
انتقل الى: